Ian & Stuart's Australian Mac: Not for Sale/Another.not.for.sale (Australia).iso/hold me in your arms/nanomius/quat/cent4

Text File | 1994-04-29 | 22KB | 603 lines

                    CENTURIE IV.
                  ----------------

                         I.
         CELA du reste de sang non espandu,
         Venise quiert secours estre donne'.
        Apres auoir bien loing te^ps attendu,
       Cite' liuree au premier cornet sonne'.

                         II.
     Par mort la France prendra voyage a` faire,
       Classe par mer, marcher monts Pyrenees.
    Espaigne en trouble, marcher gent militaire:
      Des plus grands Dames en France emmenees.

                        III.
    D'Arras & Bourges, de Brodes grans enseignes,
   Vn plus grand nombre de Gascons battre a` pied,
    Ceux long du Rosne saigneront les Espaignes:
        Proche du mont ou` Sagonte s'assied.

                         IV.
   L'impotent prince fache' plaincts & querelles,
     De rapts & pille', par coqz & par Libiques:
   Grands est par terre par mer infinies voilles,
        Seule Italie sera chassant Celtiques.

                         V.
     Croix, paix, soubs vn accomply diuin verbe,
      L'Espaigne & Gaule seront vnis ensemble:
     Grand clade proche, & combat tres accerbe,
       Coeur si hardy ne sera qui ne tremble.

                         VI.
      D'habits nouueaux apres faicte la treuue,
            Malice tramme & machination:
        Premier mourra qui en fera la preuue,
             Couleur venise insidiation.

                        VII.
        Le mineur fils du grand & hay Prince,
      De lepre aura a` vingt ans grande tache,
    De dueil sa mere mourra bien triste & mince,
       Et il mourra la` ou` tombe cher lache.

                        VIII.
     La grand cite' d'assaut prompt & repentin,
       Surprins de nuict, gardes interrompus:
       Les excubies & veilles sainct Quintin,
       Trucidez gardes & les portails rompus.

                         IX.
       Le chef du camp au milieu de la presse:
    D'vn coup de fleche sera blesse' aux cuisses,
        Lors que Geneue en larmes & detresse,
         Sera trahie par Lauzan, & Souysses.

                         X.
         Le ieune Prince accuse' faussement,
      Mettra en trouble le camp & en querelles:
        Meurtry le chef pour le soustenement,
     Sceptre appaiser: puis guerir escrou"elles.

                         XI.
      Celuy qu'aura gouuert de la grand cappe,
        Sera induict a` quelques cas patrer:
   Les douze rouges viendront sou"iller la nappa,
    Soubz meurtre, meurtre se viendra perpetrer.

                        XII.
     Le champ plus grand de route mis en fuite,
       Guaires plus outre ne sera pourchasse':
           Ost recampe' & legion reduicte,
      Puis hors des Gaules du tout sera chasse'

                        XIII.
      De plus grand perte nouuelles rapportees,
           Le raport le camp s'estournera.
          Ban les vnies encontre reuoltees,
         Double phalange quand abandonnera.

                        XIV.
        La mort subite du premier personnage
        Aura change' & mis vn autre au regne:
       Tost, tard venu a` si haut & bas aage,
      Que terre & mer faudra que on le craigne.

                         XV.
          D'ou` pensera faire venir famine,
           De la` viendra se rassasiement:
          L'oeil de la mer par auare canine
     Pour de l'vn l'autre donra huyle, froment.

                        XVI.
      La cite' franche de liberte' fait serue.
        Des profligez & resueurs faict asyle.
       Le Roy change' a` eux non si proterue:
        De cent seront deuenus plus de mille.

                        XVII.
      Changer a` Banne, Nuy, Chalons, & Dijon,
          Le duc voulant amander la Barree
   Marcha^t pres fleuue, poisson, bec de plongeon
         Verra la queu"e: porte sera serree.

                       XVIII.
     Des plus lettrez dessus les faits celestes
       Seront par princes ignorans reprouuez:
       Punis d'Edit, chassez, comme scelestes,
       Et mis a` mort la` ou` seront trouuez.

                        XIX.
       Deuant Rou"an d'Insubres mis le siege,
       Par terre & mer enfermez les passages:
   D'haynaut, & Fla^dres de Ga^d & ceux de Liege,
       Par dons laenees rauiront les riuages.

                         XX.
        Paix vberte' long temps lieu lou"era:
     Par tout son regne de sert la fleur de lys:
     Corps morts d'eau, terre la` l'on aportera,
      Sperans vain heur d'estre la` enseuelis.

                        XXI.
         Le changement sera fort difficile,
        Cite', prouince au change gain fera:
    Coeur haut, prudent mis, chasse' luy habile,
       Mer, terre, peuple son estat changera.

                        XXII.
         La grand copie qui sera deschassee,
         Dans vn moment fera besoing au Roy.
        La foy promise de loing sera faussee,
          Nud se verra en piteux desarroy.

                       XXIII.
          La legion dans la marine classe,
     Calcine, Magnes soulphre, & poix bruslera:
         Le long repos de l'asseuree place,
        Port Selyn, Hercle feu les consumera.

                        XXIV.
      Ouy soubs terre saincte Dame voix fainte,
       Humaine flamme pour diuine voir luire:
      Fera des seuls de leur sang terre tainte,
  Et les saincts temples pour les impurs destruire.

                        XXV.
     Corps sublimes sans fin a` l'oeil visibles,
        Ob nubiler viendront par ces raisons:
   Corps, front comprins, sens chefs & inuisibles,
           Diminuant les sacrees oraisons.

                        XXVI.
       Lou grand eyssame se leuera d'abelhos,
      Que non salutan don te siegen venguddos.
  Denuech l'e^bousq, lou gach dessous les treilhos
      Ciutad trahido per cinq lengos non nudos.

                       XXVII.
       Salon, Mansol, Tarascon de SEX, l'are,
          Ou` est debout encor la piramide:
        Viendront liurer le Prince Dannemarc,
         Rachat honny au temple d'Artemide.

                       XXVIII.
         Lors que Venus du Sol sera couuert,
       Soubs l'esplendeur sera forme occulte:
         Mercure au feu les aura descouuert,
      Par bruit bellique sera mis a` l'insulte.

                        XXIX.
         Le Sol cache' eclipse par Mercure,
        Ne sera mis que pour le ciel second:
        De Vulcan Hermes sera faicte pasture,
        Sol sera veu peur, rutiland & blond.

                        XXX.
         Plus unze fois Luna Sol ne vouldra,
         Tous augmente' & baissez de degrez:
         Et si bas mis que peu or on coudra,
     Qu'apres faim peste, descouuert le secret.

                        XXXI.
     La Lune au plain de nuict sur le haut mont,
     Le nouueau sophe d'vn seul cerueau la veu:
      Par ses disciples estre immortel semond,
     Yeux au mydi, en seins mains corps au feu.

                       XXXII.
    Es lieux & temps chair ou poisson donra lieu,
      La loy commune sera faicte au contraire:
      Vieux tiendra fort puis oste' du milieu,
      Le Panta chiona philon mis fort arriere.

                       XXXIII.
      Iupiter ioinct plus Venus qu'a` la Lune,
         Apparoissant de plenitude blanche:
       Venus cachee sous la blancheur Neptune
      De Mars frappee & par la grauee blanche.

                       XXXIV.
       Le grand mene' captif d'estrange terre,
        D'or enchaine' au Roy Chyren offert:
      Qui dans Ausone, Milan perdra la guerre,
        Et tout son ost mis a` feu & a` fer.

                        XXXV.
        Le feu esteint les vierges trahiront
      La plus grand part de la bande nouuelle:
     Foudre a` fer, lance les sels Roy garderont
     Etrusque & Corse, de nuict gorge allumelle.

                       XXXVI.
        Les ieux nouueaux en Gaule redressez,
       Apres victoire de l'Insubre champaigne:
     Monts d'Esperie, les grands liez, troussez:
     De peur trembler la Romaigne & l'Espaigne.

                       XXXVII.
     Gaulois par sauts, monts viendra penetrer:
        Occupera le grand lieu de l'Insubre:
        Au plus profond son ost fera entrer,
       Gennes, Monech pousseront classe rubre.

                      XXXVIII.
        Pendant que Duc, Roy, Royne occupera,
        Chef Bizant du captif en Samothrace:
        Auant l'assauit l'un l'autre mangera,
       Rebours ferre' suyura du sang la trace.

                       XXXIX.
          Les Rhodiens demanderont secours,
        Par le neglet de ses hoirs delaissee.
         L'empire Arabe reuelera son cours,
          Par Hesperies la cause redressee.

                         XL.
        Les forteresses des assiegez serrez,
       Par poudre a` feu profondez en abysmes
       Les proditeurs seront tous vifs serrez,
    Onc aux sacristes n'aduint si piteux scisme.

                        XLI.
         Gymnique sexe captiue par hostage,
         Viendra de nuit custodes deceuoir:
       Le chef du camp dec,eu par son langage,
      Lairra a` la gente, fera piteux a` voir.

                        XLII.
    Geneue & La^gres par ceux de Chartres & Dole,
        Et par Grenoble captif au Montlimard:
      Seysset, Lausanne, par fraudulente dole,
         Les trahiront par or soixante marc.

                       XLIII.
          Seront ouye au ciel armes battre,
         Celuy au mesme les diuins ennemis:
     Voudront loix sainctes iniustement debatre:
    Par foudre & guerre bien croyans a` mort mis.

                        XLIV.
      Deux gros de Mende, de Roude's & Milhau.
       Cahours, Lymoges, Castres malo sepmano
    De nuech l'intrado, de Bourdeaux vn cailhau,
         Par Perigort au toc de la campano.

                        XLV.
        Par conflict Roy, regne abandonnera,
       Le plus grand chef faillira au besoing,
          Mors profligez peu en reschapera,
       Tous destranche's, vn en sera tesmoing.

                        XLVI.
       Bien deffendu le faict par excellence,
         Garde toy Tours de ta proche ruine:
      Londres & Nantes par Reims fera deffense
        Ne passe outre au temps de la bruine.

                       XLVII.
         Le noir farouche quand aura essaye'
     Sa main sanguine par teu, fer arcs tendus,
       Trestous le peuple sera tant effraye',
     Voir les plus grans par col & pieds pendus.

                       XLVIII.
         Planure Ausonne fertile, spacieuse,
       Produira taons si tant de sauterelles:
        Clarte' solaire deuiendra nubileuse,
     Ronger le tout, grand peste venir d'elles.

                        XLIX.
        Deuant le peuple sang sera respandu,
         Que du haut ciel viendra esloigner.
        Mais d'vn long temps ne sera entendu,
      L'esprit d'vn seul le viendra tesmoigner.

                         L.
          Libra verra regner les Hesperies,
            De ciel & tenir la monarchie:
         D'Asie forces nul ne verra peries,
    Que sept ne tiennent par rang la hierarchie.

                         LI.
         Vn Duc cupide son ennemy ensuyure,
        Dans entrera empeschant la phalange,
    Hastez a` pied si pres viendront poursuyure,
       Que la iournee conflite pres de Gange.

                        LII.
     En cite' obsesse aux murs hommes & femmes.
      Ennemis hors le chef prest a` soy rendre:
        Vent sera fort encore les gendarmes.
   Chassez seront par chaux, poussiere, & cendre.

                        LIII.
           Les fugitifs & bannis reuoquez,
    Peres & fils grand garnissant les hauts puis
        Le cruel pere & les siens souffoquez,
       Son fils pire submerge' dans le puits.

                        LIV.
       Du nom qui onque ne fut au Roy Gaulois
        Iamais ne fut vn foudre si craintif.
    Tremblant l'Italie, l'Espagne & les Anglois,
      De femme estrangiers grandement attentif.

                         LV.
   Quand la corneille sur tout de brique ioincte,
        Durant sept heures ne fera que crier:
        Mort presagee de sang statue taincte,
       Tyran meurtri, aux Dieux peuple prier.

                        LVI.
         Apres victoire de rabieuse langue,
        L'esprit tempre' en tranquil & repos:
    Victeur sanguin par conflict faict harangue,
       Roustir la langue & la chair & les os.

                        LVII.
        Ignare enuie au grand Roy supportee,
       Tiendras propos deffendre les escripts.
       Sa femme non femme par vn autre tentee,
          Plus double deux ne fort ne criz.

                       LVIII.
       Soloeil ardent dans le grosier coller,
       De sang humain arrouser terre Etrusque:
      Chef seille d'eau, mener son fils filer,
        Captiue dame conduicte terre Turque.

                        LIX.
          Deux assiegez en ardente ferueur:
     Ce soif estaincts pour deux plaines tasses
       Le fort lime', & vn vieillart resueur,
        Aux Genevois de Nira monstra trasse.

                         LX.
        Les sept enfans en hostaine laissez,
        Le tiers viendra son enfant trucider:
      Deux par son fils seront d'estoc percez.
       Genues, Florence, les viendra enconder.

                        LXI.
        Le vieux mocque' priue' de sa place,
          Par l'estranger qui le subornera:
      Mains de son fils mangees deuant sa face,
      Le frere a` Chartres, Orl Rou"an trahira.

                        LXII.
            Vn coronel machine ambition,
           Se saisira de la grande armee,
         Contre son Prince fainte inuention,
         Et descouuert sera soubs sa ramee.

                       LXIII.
      L'armee Celtique contre les montaignars,
       Qui seront sc,euz & prins a` la pipee:
        Paysans frez pouseront rost faugnars,
         Precipitez tous au fils de l'espee.

                        LXIV.
        Le deffaillant en habit de bourgeois,
        Viendra le Roy tenter de son offense:
        Quinze soldats la pluspart Vstagois,
         Vie derniere & chef de sa cheuance.

                        LXV.
        Au deserteur de la grande fortresse,
         Apres qu'aura son lieu abandonne',
        Son aduersaire fera grand prou"esse,
        L'empereur tost mort sera condamne'.

                        LXVI.
     Sous couleur fainte de sept testes rasces,
          Seront semez diuers explorateurs:
       Puys & fontaines de poisons arrousees,
       Au fort de Gennes humains deuorateurs.

                       LXVII.
       Lors que Saturne & Mars esgaux combust,
        L'air fort seiche' longue traiection:
    Par feux secrets, d'ardeur grand lieu adust,
     Peu pluye, vent chaut, guerres, incursions.

                       LXVIII.
     En lieu bien proche non esloigne' de Venus.
    Les deux plus grands de l'Asie & d'Aphrique,
       Du Ryn & Hister qu'on dira sont venus,
      Cris pleurs a` Malte & coste' Ligustique.

                        LXIX.
        La cite' grande les exilez tiendront,
       Les citadins morts, meurtris & chassez:
        Ceux d'Aquilee a` Parme promettront,
    Monstrer l'entree par les lieux non trassez.

                        LXX.
      Bien contigue des grands monts Pyrenees,
      Vn contre l'Aigle grand copie addresser:
        Ouuertes veines, forces exterminees,
      Que iusqu'a` Paulle chef viendra chasser.

                        LXXI.
       En lieu d'espouse les filles trucidees,
     Meurtre a` grand faute ne fera superstile:
         Dedans se puys vestu les inondees,
       L'espouse estainte par haute d'Aconile.

                       LXXII.
         Les Attomiques par Agen & l'Estore,
        A sainct Felix feront leur parlement:
      Ceux de Basas viendront a` la mal' heure,
         Saisir Condon & Marsan promptement.

                       LXXIII.
         Le nepueu grand par force prouuera
         Le pache fait du coeur pusillanime:
          Ferrare & Ast le Duc esprouuera,
        Par lors qu'au soir sera le pantomime

                       LXXIV.
         Du lac Leman & ceux de Brannonices:
       Tous assemblez contre ceux d'Aquitaine:
       Germains beaucoup encore plus Souisses,
        Seront desfaicts auec ceux d'Humaine.

                        LXXV.
         Prest a` combattre fera defection,
       Chef aduersaire obtiendra la victoire:
           L'arriere garde fera defension.
      Les defaillans mort au blanc territoire.

                       LXXVI.
        Les Nibobriges par eeux de Perigort,
       Seront vexez, tenant iusques au Rosne:
          L'associe' de Gascons & Begorne,
   Trahir le temple, le prestre estant au prosne:

                       LXXVII.
         Selin monarque l'Italie pacifique,
       Regnes vnis par Roy Chrestien du monde:
      Mourant voudra coucher en terre blesique,
       Apres pyrates auoir chasse' de l'onde.

                      LXXVIII.
         La grand' armee de la pugne ciuile,
     Pour de nuict Parme a` l'estrange trouuee,
       Septante neuf meurtris dedans la ville,
       Les estrangers passez tout a` l'espee.

                       LXXIX.
      Sang Royal fuis, Monhuit, Mas, Esguillon,
      Remplis seront de Bourdelois les Landes,
       Nauuarre, Bygorre poinctes & eguillons,
      Profonds de faim vorer de Liege glandes.

                        LXXX.
   Pres du grand fleuue grand fosse terre egeste,
         En quinze pars sera l'eau diuisee:
  La cite' prinse, feu, sang cris conflict mettre.
        Et la pluspart concerne au collisee.

                       LXXXI.
        Pont on fera promptement de nacelles,
      Passer l'armee du grand Prince Belgique:
      Dans profondez & non loing de Brucelles,
      Outre passez, detranchez sept a` picque.

                       LXXXII.
        Amas s'approche venant d'Esclauonie,
           L'Olestant vieux cite' ruynera:
           Fort desolee verra sa Romanie,
     Puis la grande flamme esteindre ne sc,aura.

                      LXXXIII.
       Combat nocturne le vaillant capitaine,
         Vaincu fuyra peu de gens proflige':
        Son peuple esmeu, sedition non vaine.
        Son propre fils le tiendra assiege'.

                       LXXXIV.
      Vn grand d'Auxerre mourra bien miserable.
       Chasse' de ceux qui sous luy ont este':
      Serre' de chaines, apres d'vn rude cable,
     En l'an que Mars, Venus & Sol mis en este'.

                       LXXXV.
       Le charbon blanc du noir sera chasse',
        Prisonnier faict mene' au tombereau,
         More Chameau sur pieds entrelassez,
         Lors le puisne' sillera l'aubereau.

                       LXXXVI.
       L'an que Saturne en eau sera conioinct,
         Avecques Sol, le Roy fort puissant,
          A Reims & Aix sera receu & oingt,
        Apres conquestes meurtrira innocens.

                      LXXXVII.
       Vn fils du Roy tant de langues apprins,
          A son aisne' au regne different:
     Son pere beau au plus grand fils comprins,
           Fera perir principal adherant.

                      LXXXVIII.
      Le grand Antoine de nom de faict sordide
        De Phthyriaise a` son dernier ronge':
        Vn qui de plomb voudra estre cupide,
        Passant le port d'esleu sera plonge'.

                       LXXXIX.
        Trente de Londres secret coniureront,
     Contre leur Roy, sur le pont l'entreprise:
       Leuy, satalites la` mort de gousteront,
        Vn Roy esleut blonde, natif de Frize.

                         XC.
    Les deux copies aux mers ne pourro^t ioindre,
       Dans cest instan trembler Misan, Ticin:
  Faim, soif, doutance si fort les viendra poindre
   Chair, pain, ne viures n'auront vn seul boucin.

                        XCI.
     Au Duc Gaulois contrainct battre au duelle,
         La nef Mellele monech n'approchera,
          Tort accuse', prison perpetuelle,
        Son fils regner auant mort taschera.

                        XCII.
        Teste tranchee du vaillant capitaine,
         Seza iettee deuant son aduersaire:
     Son corps pendu de la classe a` l'ancienne
      Confus fuira par rames a` vent contraire.

                       XCIII.
        Vn serpent veu proche du lict royal,
       Sera par dame nuict chiens n'abayeront:
    Lors naistre en France vn Prince tant royal,
       Du ciel venu tous les Princes verront.

                        XCIV.
    Deux grands freres seront chassez d'Espaigne,
       L'aisne vaincu sous les mons Pyrenees:
     Rougir mer, Rosne, sang Lemand d'Alemaigne,
        Narbon, Blyterre, d'Agth contaminees.

                        XCV.
    Le regne a` deux l'aisse' bien peu tiendront,
     Trois ans sept mois passez feront la guere
        Les deux Vestales contre rebelleront,
          Victor puisnay en Armenique terre

                        XCVI.
        La soeur aisnee de l'Isle Britannique
     Quinze ans deuant le frere aura naissance,
        Par son promis moyennant verrifique,
           Succedera au regne de balance.

                       XCVII.
      L'an que Mercure, Mars, Venus retrograde,
       Du grand Monarque la ligne ne faillir:
     Esleu du peuple l'vsitant pres de Gaudole.
     Qu'en paix & regne viendra fort enuieillir.

                       XCVIII.
         Les Albanois passeront dedans Rome,
         Moyennan Langres demipler affublez.
        Marquis & Duc ne pardonnes a` homme,
 Feu, sang, morbiles point d'eau faillir les bleds.

                        XCIX.
        Laisne' vaillant de la fille du Roy,
        Respoussera si profond les Celtiques,
     Qu'il mettra foudres, combien en tel arroy
     Peu & loing, puis profond e's Hesperiques.

                         C.
          Du feu celeste au Royal edifice.
        Quand la lumiere de Mars defaillira,
    Sept mois grand guerre, mort gens de malefice
         Rou"an, Eureux au Roy ne faillira.